Pas dy ditësh protestë rikthehen në punë punonjëset e fasonerisë në Bilisht. Pas plotësimit të kërkesës se tyre nga ana e pronarit të fasonerisë Fatjon Shega, i cili vendosi të rikthejë në punë kryetaren e sindikatës Mirjeta Mulla punonjëset do t’i rikthehen punës në fasoneri.
Rreth 150 punonjëse kanë protestuar për shkak të heqjes nga puna të kryetares së sindikatës Mirjeta Mulla e cila kërkonte te drejtat e tyre dhe plotësimin e kushteve në punë.
E kontaktuar Mirjeta Mulla është shprehur se administrator ka tërhequr mbrapsht pushimin nga puna dhe do të lejojë zhvillimin e sindikatës në fasoneri e nga ana tjetër Shega do të plotësojë edhe kushtet e tjera të kërkuara nga punonjëset.
Ditën e djeshme Inspektorati i Punës zhvilloi edhe një takim me punonjëset dhe pritet përfundimi i një raporti.